|
||||||||||||||||||||
|
|
 |
|
|
|||||||||||||||||
|
សុ ន្ទ រ ក ថា ឯកឧត្ដម សុខ អាន ឧបនាយករដ្ឋមន្ដ្រី រដ្ឋមន្ដ្រីទទួលបន្ទុកទីស្ដីការគណៈរដ្ឋមន្ដ្រី និងជាតំណាងដ៏ខ្ពង់ខ្ពស់របស់គណបក្សប្រជាជនកម្ពុជា ក្នុងកម្មវិធីតុមូល ស្ដីពី ការងារដឹកនាំប្រទេសដោយពង្រឹងនីតិរដ្ឋថ្ងៃទី ១១ ខែ មិថុនា ឆ្នាំ ២០០៨ - ខ្ញុំព្រះករុណា សូមថ្វាយបង្គំព្រះថេរានុថេរៈគ្រប់ព្រះអង្គ - បងប្អូនជនរួមជាតិទាំងអស់ ជាទីគោរពស្នេហា ថ្ងៃនេះ ក្នុងនាមជាតំណាង គណបក្សប្រជាជនកម្ពុជា ខ្ញុំព្រះករុណាខ្ញុំ សុខ អាន មានកិត្ដិយស ដោយបានចូល រួមក្នុង កម្មវិធីតុមូលស្ដីពី ការងារដឹកនាំប្រទេស ដោយពង្រឹងនីតិរដ្ឋ ដ៏មានសារៈសំខាន់នាពេលនេះ។ ខ្ញុំព្រះករុណាខ្ញុំ សូមប្រគេន និងជំរាបជូន ព្រះថេរានុថេរៈគ្រប់ព្រះអង្គ និងបងប្អូនជនរួមជាតិទាំងអស់ អំពី គោល នយោបាយ ឆន្ទៈ ការខិតខំប្រឹងប្រែងអស់ពីកម្លាំងកាយចិត្ដ និងលទ្ធផលដ៏ធំធេង ដែល គណបក្សប្រជាជនកម្ពុជា សម្រេចបានក្នុងការកសាង សន្ដិភាព សន្ដិសុខ សុវត្ថិភាព និងការអភិវឌ្ឍប្រទេស ជាពិសេសការកសាង ប្រទេសទាំងមូលពីភាព ខ្ទេចខ្ទាំ មកកាន់ស្ថានភាពជារដ្ឋទំនើបមួយ ដោយផ្អែកលើការ កសាងច្បាប់ ការយល់ ដឹងនិងគោរពច្បាប់ ព្រមទាំងការអនុវត្ដន៍ច្បាប់ឱ្យបានត្រឹមត្រូវ ដែលបញ្ជាក់យ៉ាង ច្បាស់ពីការប្ដេជ្ញាចិត្ដដ៏ មោះមុត របស់ គណបក្សប្រជាជនកម្ពុជា ក្នុងការពង្រឹង នីតិរដ្ឋនៅកម្ពុជា។ គណបក្សប្រជាជនកម្ពុជា បាននិងកំពុងបន្ដកិច្ចខិតខំប្រឹងប្រែងក្នុងការកសាង ប្រទេសឱ្យទៅជានីតិរដ្ឋ ដ៏រឹងមាំមួយ តាមរយៈការពង្រឹងស្ថាប័ននីតិបញ្ញត្ដិ នីតិប្រតិបត្ដិ និងតុលាការ ឱ្យបំពេញតួនាទី និងភារកិច្ច ប្រកបដោយ ប្រសិទ្ធភាព និងការទទួល ខុសត្រូវខ្ពស់បំផុត ដោយប្រតិបត្ដិតាមឆន្ទៈ និងបំណងប្រាថ្នា ដ៏ពិសិដ្ឋរបស់ប្រជាជន ដែលជាម្ចាស់នៃអំណាច។ ក្នុងទិសដៅនេះ គណបក្សប្រជាជនកម្ពុជា បាននិងកំពុងជំរុញ ពង្រឹងស្ថាន ភាពនីតិរដ្ឋ ដោយឈរលើ គោលការណ៍ចំបងៗបីយ៉ាង ដូចខាងក្រោម ៖ ៣. ធ្វើឱ្យមានការអនុវត្ដច្បាប់ឱ្យបានត្រឹមត្រូវ និងដោយមានប្រសិទ្ធភាព យុត្ដិធម៌ សមធម៌ ដែលអាច ទស្សន៍ទាយជាមុនបាន។ រយៈពេល ៥ឆ្នាំ កន្លងមក គណបក្សប្រជាជនកម្ពុជា បានបន្ដយកចិត្ដទុកដាក់ ពង្រឹងអភិបាលកិច្ចល្អ តាមរយៈ កំណែទម្រង់រដ្ឋដ៏ស៊ីជំរៅ និងទូលំទូលាយនៅតាមស្ថាប័ន រដ្ឋគ្រប់ថ្នាក់ ដើម្បីធានាការផ្ដល់សេវាសាធារណៈ ប្រកបដោយ តម្លាភាព ប្រសិទ្ធភាព និងការទទួលខុសត្រូវខ្ពស់ ធានាការកសាង ពង្រឹងនីតិរដ្ឋ យុត្ដិធម៌ និងសមធម៌សង្គម ជំរុញការអភិវឌ្ឍ ការកាត់បន្ថយភាពក្រីក្រ និងបង្កើនការចូលរួមរបស់ប្រជាជន។ នៅក្នុងនីតិកាលទី៣នៃរដ្ឋសភានេះ មានច្បាប់ចំនួន ១៤០ ត្រូវបានអនុម័ត ដូចជា ក្រមរដ្ឋប្បវេណី ច្បាប់រៀបចំ អង្គការ ច្បាប់ស្ដីពីការទប់ស្កាត់អំពើហឹង្សាក្នុង គ្រួសារ និងច្បាប់ជាច្រើនទៀតសម្រាប់ លើកតម្កើងដល់ លទ្ធិប្រជាធិបតេយ្យ និងគាំទ្រ ផ្នែកឯកជន និងទីផ្សារ ជាដើម។ល។ គម្រោងផែនការជាច្រើន កំពុងដំណើរការក្នុងទិសដៅលើកកម្ពស់ចំណេះដឹង ការឈ្វេងយល់ និងការគោរព ប្រតិបត្ដិច្បាប់។ ជាការពិត យើងសម្រេចបាននូវ សមិទ្ធផលគួរជាទីមោទនៈជាច្រើន ក្នុងនោះ ការបោះពុម្ភ និង ផ្សព្វផ្សាយរាជកិច្ច ត្រូវបានកែសំរួលឡើងវិញ រីឯសេចក្ដីសម្រេចរបស់តុលាការត្រូវបានចងក្រង និង ផ្សព្វផ្សាយ។ សន្ទានុក្រមច្បាប់ ត្រូវបានបោះពុម្ភ។ ការអប់រំដល់សាធារណជន ស្ដីពីសិទ្ធិ និងកាតព្វកិច្ច បាននិងកំពុងធ្វើឡើង នៅទូទាំងប្រទេស ដោយមាន កិច្ចសហប្រតិបត្ដិការជាមួយសង្គមស៊ីវិល និងដៃគូអភិវឌ្ឍន៍នានា។ មណ្ឌលផ្ដល់សេវា ច្បាប់មួយចំនួន ត្រូវបានពង្រាយកាន់តែច្រើនឡើងៗ នៅតាមថ្នាក់ស្រុកទូទាំងប្រទេស។ ជាងនេះទៅទៀត ជំនួយផ្នែកច្បាប់ ក៏ត្រូវបានពង្រឹង ដែលធ្វើឱ្យប្រជាពលរដ្ឋ មាន លទ្ធភាពកាន់តែខ្ពស់ក្នុងការទទួលបានជំនួយនេះ។ រាជរដ្ឋាភិបាល បានខិតខំយ៉ាងខ្លាំងក្នុងការបង្កើនសមត្ថភាពសម្រាប់អនុវត្ដន៍ ច្បាប់ដោយយុត្ដិធម៌ សមធម៌ តម្លាភាព និងដែលអាចប៉ាន់ប្រមាណបាន។ ជាមួយ គ្នានេះដែរ ដំណើរការសាលាក្ដីខ្មែរក្រហម បានបង្ហាញយ៉ាងច្បាស់ពីការប្ដេជ្ញាចិត្ដយ៉ាង ម៉ឹងម៉ាត់របស់កម្ពុជា ក្នុងការបង្កើតនូវយុត្ដាធិការ ដែលមានកំរិត ស្ដង់ដារ ដែលអន្ដរជាតិ ទទួលបាន។ សាលាក្ដីខ្មែរក្រហម មិនត្រឹមតែជាការស្វែងរកយុត្ដិធម៌ជូនដល់ជន រងគ្រោះក្នុងរបបដ៏ឃោរឃៅរបស់ខ្មែរក្រហមប៉ុណ្ណោះទេ ប៉ុន្ដែគឺជាសាលាក្ដីគំរូមួយ សម្រាប់ប្រទេសយើង និងជាសាលាក្ដីដែលផ្ដល់នូវគំរូថ្មីមួយដល់យុត្ដាធិការអន្ដរជាតិ។ នៅកំរិតសហគមន៍ យន្ដការដោះស្រាយ ជំលោះក្រៅប្រព័ន្ធតុលាការ ត្រូវបានបង្កើត ឡើង និងត្រូវបានពង្រឹង ដើម្បីកាត់បន្ថយសម្ពាធ និងបន្ទុកទៅលើប្រព័ន្ធតុលាការ ស្របពេលដែល ក្រមសីលធម៌ ចៅក្រមកំពុងត្រូវបានអនុវត្ដ។ ជាងនេះទៅទៀត កម្ពុជាកំពុងខិតខំយ៉ាងខ្លាំងផងដែរទៅលើការអភិវឌ្ឍសមត្ថភាព ផ្នែកច្បាប់ និង ប្រព័ន្ធតុលាការ តាមរយៈស្ថាប័ន រាជបណ្ឌិតសភាវិជ្ជាជីវៈតុលាការ។ តាមរយៈការខិតខំមិនស្រាកស្រាន្ដរបស់ គណបក្សប្រជាជនកម្ពុជា យើង ទទួលបាននូវសមិទ្ធផលដ៏ធំធេង ដែលធ្វើឱ្យកម្ពុជាក្លាយជាប្រទេសមួយដែល ៖ដើម្បីបន្ដពង្រឹងស្ថានភាពនីតិរដ្ឋនៅកម្ពុជា ពីឆ្នាំ ២០០៨ ដល់ឆ្នាំ ២០១៣ គណបក្សប្រជាជនកម្ពុជា បានដាក់ ចេញនូវ ទិសដៅសកម្មភាព និងបន្ដអនុវត្ដន៍ វិធានការសំខាន់ ដូចខាងក្រោម ៖ - ពិនិត្យធ្វើបច្ចុប្បន្នភាពកម្មវិធីសកម្មភាពសម្រាប់បន្ដអនុវត្ដយុទ្ធសាស្ដ្រ កំណែទម្រង់ច្បាប់ និងប្រព័ន្ធយុត្ដិធម៌- បន្ដជំរុញការអនុវត្ដកម្មវិធីបណ្ដុះបណ្ដាល និងលើកកំពស់សិទ្ធិមនុស្ស នៅតាមមូលដ្ឋាន សហគ្រាស និង គ្រឹះស្ថានសិក្សា - បញ្ចប់ការតាក់តែងច្បាប់មូលដ្ឋានសម្រាប់យុត្ដាធិការតុលាការ និងច្បាប់ សំខាន់ៗឯទៀតសម្រាប់បំពេញ កាតព្វកិច្ចអង្គការពាណិជ្ជកម្មពិភពលោក និងតាមវិស័យផ្សេងៗ - បន្ដពង្រឹងការងារតាក់តែងច្បាប់ និងបន្ដជំរុញការអប់រំបណ្ដុះបណ្ដាល ផ្សព្វផ្សាយ និងអនុវត្ដច្បាប់ - បន្ដអនុវត្ដកម្មវិធីពង្រឹង និងពង្រីកជំនួយផ្នែកច្បាប់ដល់ប្រជាជនក្រីក្រ- បន្ដពង្រីកគម្រោងតុលាការគំរូ និងសិក្សារៀបចំតុលាការទៅតាមច្បាប់ថ្មី និងបណ្ដុះបណ្ដាលអ្នកវិជ្ជាជីវៈ តុលាការទៅតាមតំរូវការ - បន្ដរៀបចំបង្កើត និងដាក់ឱ្យដំណើរការសាលាអាជ្ញាសាលា និងសាលា សារការី - បន្ដពង្រឹងក្រុមប្រឹក្សាវិន័យដែលមានភារកិច្ច ដាក់ពិន័យដល់ចៅក្រម និង ព្រះរាជអាជ្ញា - តាក់តែងក្រមសីលធម៌សម្រាប់មន្ដ្រីតុលាការ - បន្ដការសិក្សា ពង្រឹង និងបញ្ចូលយន្ដការដោះស្រាយវិវាទក្រៅប្រព័ន្ធ តុលាការ - បន្ដបណ្ដុះបណ្ដាលធនធានមនុស្ស ជំរុញល្បឿនកំណែទម្រង់ច្បាប់ និង ប្រព័ន្ធយុត្ដិធម៌ ឱ្យមានសន្ទុះលឿនខ្លាំងក្លា គណបក្សប្រជាជនកម្ពុជា តែងតែចាត់ទុកថា នីតិរដ្ឋគឺជាមូលដ្ឋាននៃលទ្ធិ ប្រជាធិបតេយ្យ។ នីតិរដ្ឋ ជាមធ្យោយបាយ ដ៏មានប្រសិទ្ធភាពបំផុតក្នុងការលើក កំពស់សុខមាលភាពរបស់ប្រជាជន។ គណបក្សប្រជាជន កម្ពុជា បានបំពេញតួនាទីដ៏ឧត្ដុង្គឧត្ដមរបស់ខ្លួនចំពោះជាតិ មាតុភូមិ និងប្រជាជន នាពេលកន្លង មក និងកំពុងប្ដេជ្ញាបន្ដនៅបំរើប្រជាជន និងនៅ ជិតប្រជាជន ក្នុងបុព្វហេតុអភិវឌ្ឍន៍ប្រទេស ផ្អែកលើការពង្រឹង នីតិរដ្ឋ ដើម្បីទទួល បាននូវភាពរុងរឿង និងសំបូរសប្បាយ។ ក្នុងស្មារតីនេះ ខ្ញុំព្រះករុណាខ្ញុំ សូមធ្វើការ អំពាវនាវដល់ ព្រះថេរានុថេរៈគ្រប់ព្រះអង្គ និងបងប្អូនជនរួមជាតិទាំងអស់ មេត្ដា ចូលរួមគាំទ្រ និងបោះឆ្នោតជូន គណបក្សប្រជាជនកម្ពុជា ដែលមានសញ្ញារូប ទេវតាបាចផ្កា និងមានលេខរៀងលំដាប់ទី ៤ នៅថ្ងៃទី២៧ ខែកក្កដា ឆ្នាំ២០០៨ ខាង មុខនេះ។ បោះឆ្នោតជូន គណបក្សប្រជាជនកម្ពុជា គឺបោះឆ្នោតជូន សម្ដេចអគ្គមហា សេនាបតីតេជោ ហ៊ុន សែន ធ្វើជា នាយករដ្ឋមន្ដ្រី នៅអាណត្ដិទី៤ នៃរដ្ឋសភា នាពេលខាងមុខ។ សូមអរព្រះគុណ និងសូមអរគុណ |
||||||||||||||||||||
|
||||||||||||||||||||
