ជីវប្រវត្ដិ

សម្ដេចអគ្គមហាសេនាបតីតេជោ
ហ៊ុន សែន
នាយករដ្ឋមន្ដ្រី

រាជរដ្ឋាភិបាលដើម្បី  “សុភមង្គល” “វឌ្ឍនៈភាព” និង “អនាគតរុងរឿង”

>> ស្ថេរភាពនយេបាយ

>> សន្ដិសុខជាតិ

>> ប្រជាធិបតេយ្យភាវូបនីយកម្ម

>> សេដ្ឋកិច្ច

>> ទំនាក់ទំនងអន្ដរជាតិ

To correctly browse our Website, please install Khmer Unicode font and then restart your Computer.

រាជរដ្ឋាភិបាលឆ្លើយតបសំណួររបស់លោកសុន ឆ័យ ចំនួន ៧ ចំណុច

តំណាងរាស្ដ្រគណបក្សប្រឆាំងបានដាក់ជាសំណួរចំនួន ៧ ចំណុច ដើមី្បឱ្យប្រមុខរាជរដ្ឋាភិបាល ធ្វើការបំភ្លឺទាក់ទង ទៅនឹង ការអនុវត្ដន៍គោលនយោបាយចតុកោណរបស់រាជរដ្ឋាភិបាល ហើយសំណួរទាំងនោះត្រូវបាន សម្ដេច អគ្គមហាសេនា បតីតេជោ ហ៊ុន សែន ប្រមុខរាជរដ្ឋាភិបាលឆ្លើយតបយ៉ាងពិស្ដារ ។

យោងតាមលិខិតដ៏វែងមួយច្បាប់របស់លោកឧបនាយករដ្ឋមន្ដ្រី សុខ អាន រដ្ឋមន្ដ្រីទីស្ដីការគណៈរដ្ឋមន្ដ្រីចុះថ្ងៃទី ២៨ ខែ ឧសភា ផ្ញើជូន សម្ដេចអគ្គមហាពញាចក្រី ហេង សំរិន បានឱ្យដឹងថា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃរាជរដ្ឋាភិបាលកម្ពុជា បានចាត់ឱ្យរូបលោកជាតំណាង ដើមី្បបំភ្លឺលើសំណើររបស់លោក សុន ឆ័យ អ្នកតំណាងរាស្ដ្រគណបក្សប្រឆាំង ដែលមានសេចក្ដីដូចតទៅៈ

១- ការអនុវត្ដន៍គោលនយោបាយចតុកោណរបស់រាជរដ្ឋាភិបាលជាពិសេស ចំពោះផ្នែកប្រយុទ្ធប្រឆាំងអំពើពុក រលួយ អភិបាលកិច្ចល្អ និង ការកាត់បន្ថយភាពក្រីក្រជាដើម ៖ រាជរដ្ឋាភិបាលកម្ពុជានីតិកាលទី ៣ នៃរដ្ឋសភាបានខិតខំ ពង្រឹងការងារថែរក្សា ការពារសន្ដិសុខ សុវត្ថិភាព ស្ថិរភាព សន្ដិសុខសង្គម និង សណ្ដាប់ធ្នាប់សាធារណៈ ដោយបាន លុបបំបាត់អំពើហិង្សា និង ទណ្ឌភាព ការរើសរអើងតាមគ្រប់រូបភាព ដើមី្បស្ថាបនាសង្គមមួយ ប្រកបដោយ យុត្ដិធម៌ សមធម៌ ប្រាសចាកអំពើពុករលួយ ព្រមទាំងការ ការពារសិទ្ធិរបស់ពលរដ្ឋ ។

 អភិបាលកិច្ចល្អ គឺជាចំណុចស្នូលនៃយុទ្ធសាស្ដ្រចតុកោណហើយ ដែលរាជរដ្ឋាភិបាលបានប្ដេជ្ញាចិត្ដយ៉ាងមុតមាំ ក្នុង ការពង្រឹងនិតិរដ្ឋ និង អភិបាលកិច្ចល្អ តាមរយៈកាលធ្វើកំណែទំរង់ជាជំហានៗ និង ដោយមាន ការប្រុងប្រយ័ត្នលើ វិស័យអាទិភាពមួយចំនួនរួមមានកំណែទំរង់រដ្ឋបាល ការប្រយុទ្ធប្រឆំាង អំពើពុករលួយ កំណែទំរង់ច្បាប់និងប្រព័ន្ធយុត្ដិ ធម៌ ការរំសាយកងកំលាងប្រដាប់អាវុធ កំណែទំរង់ កងកំលាំងប្រដាប់អាវុធ ការងារវិមជ្ឍការ ការពង្រឹងការគ្រប់គ្រង ចំណូល និង ការធ្វើវិចារណកម្មចំណាយ និង កំណែទំរង់ការគ្រប់គ្រងធនធានធម្មជាតិ សំដៅកាត់បន្ថយភាពក្រីក្ររបស់ ប្រជារាស្ដ្រខ្មែរ ។

 ទោះបីជាព្រះរាជាណាចក្រកម្ពុជា ពុំទាន់មានច្បាប់ស្ដីពីការប្រឆាំងអំពើពុករលួយក៏ដោយ ក៏រាជរដ្ឋាភិបាលកម្ពុជា នៅ មានច្បាប់ និង លិខិតបទដ្ឋានគតិយុត្ដិនានា ព្រមទាំងយន្ដការមួយចំនួនក្នុងការបង្ការទប់ស្កាត់ និង ប្រយុទ្ធ ប្រឆាំងអំពើ ពុករលួយប្រកបដោយប្រសិទ្ធភាពដែរ ។

 ទន្ទឹមនឹងការសន្យានៅក្នុងកម្មវិធីនយោបាយ រាជរដ្ឋាភិបាលកម្ពុជាបានចាត់វិធានការសំខាន់ៗ ដោយបាន ធ្វើកំណែ ទំរង់រចនាសម្ព័ន្ធ ហើយបង្កើតបាននូវយន្ដការថ្មីមួយ ជំនួសអង្គភាពប្រឆាំង រាល់សកម្មភាព អំពើពុករលួយ ស្ថិតនៅ ក្រោមឱវាទទីស្ដីការគណៈរដ្ឋមន្ដ្រី ដែលមាន ០៤ ផ្នែកជាសេនាធិការ ដែលមានបេសកកម្មជាយុទ្ធសាស្ដ្រ ផ្ដោតលើ កត្ដាជាសារវន្ដ ០៣ គឺ ៖ ការអប់រំផ្សព្វផ្សាយបង្ការទប់ស្កាត់ ការពង្រឹងការអនុវត្ដន៍ច្បាប់ និង ការចូលរួមគាំទ្រពីមហា ជន ក្នុងការប្រយុទ្ធប្រឆាំងអំពើពុករលួយ ។

 ក្នុងរយៈពេលជាង ១ ឆ្នាំកន្លងទៅ អង្គភាពប្រឆាំងអំពើពុករលួយបានខិតខំពុះពារបំពេញភារកិច្ច ហើយសំរេចបាននូវ សមិទ្ធិផលដូចតទៅ ៖

ក- ការងារទទួល និង ដោះស្រាយពាក្យបណ្ដឹង ៖ បានបង្កើតការិយាល័យ ទទួលពាក្យបណ្ដឹង និង បំពាក់ប្រព័ន្ធ ទូរស័ព្ទ ទូសារលេខ (០២៣) ២១១ ៩៤៣ ហើយបានដាក់ប្រអប់សមួយនៅ ទីស្ដីការគណៈរដ្ឋមន្ដ្រី សំរាប់ទទួល ពាក្យបណ្ដឹងពី មហាជនគ្រប់មជ្ឈដ្ឋាន ដែលបច្ចុប្បន្នស្ថិតនៅជាបណ្ដោះអាសន្នអាគារលេខ ៥៧ វិថីសម្ដេចប៉ាន ។ ទន្ទឹមនឹងនេះ បាន សហការជាមួយក្រសួងប្រៃសណីយ៍ និង ទូរគមនាគមន៍ ដើមី្បអនុវញ្ញាត ឱ្យប្រជាពលរដ្ឋពីគ្រប់មជ្ឈដ្ឋាន ផ្ញើពាក្យ បណ្ដឹងមកអង្គភាពប្រឆំាងអំពើពុករលួយនៃទីស្ដីការគណៈរដ្ឋមន្ដ្រី តាមសេវាកម្មនៅគ្រប់បញ្ជរប្រៃសសណីយ៍ទូទាំង ព្រះរាជាណាចក្រកម្ពុជា ដោយមិនចាំបាច់បិទតែម ហើយដែលជាង ១ ឆ្នាំកន្លងមកនេះ អង្គភាពបានទទួលពាក្យបណ្ដឹង ចំនួន ៤១ ករណី ព្រមទាំង បានដោះស្រាយចប់ជាស្ថាពរចំនួន ២៨ ករណី និង នៅសល់ចំនួន ១៣ ករណីកំពុងបន្ដដោះ ស្រាយ ។

ខ- ការងារឃោសនាអប់រំនិងផ្សព្វផ្សាយ ៖ ដើមី្បឱ្យមហាជនយល់ដឹងអំពីផលវិបាកនៃអំពើពុករលួយ ព្រមទាំង ទាក់ទាញ ការគាំទ្រពីមហាជន អ.ប.អ.ព បានរៀបចំស្ថិតិអប់រំ និងវេទិការពិគ្រោះយោបល់រវាងនិសិ្សត និង និសិ្សតសំរាប់ ផ្សព្វផ្សាយតាមបណ្ដាញស្ថានីយទូរទស្សន៍ចំនួន ៦ ។ ទន្ទឹមនឹងនេះ អ.ប.អ.ព បានចុះធ្វើការឃោសនាអប់រំ ផ្សព្វផ្សាយ អំពីយុទ្ធសាស្ដ្រ និង យុទ្ធវិធីប្រយុទ្ធ ប្រឆាំងអំពើពុករលួយ ជូនមន្ដ្រីភ្នាក់ងារ និង កងកំលាំងមានសមត្ថកិច្ចចំនួន ៨ លើក នៅតាមច្រកទ្វាអន្ដរជាតិសំខាន់ៗ គឺទាំងព្រលានយន្ដហោះ និង ច្រកទ្វារព្រំដែនអន្ដរជាតិ ដោយមានសមាជិក ចូលរូមស្ដាប់ចំនួន ៤៦១ នាក់ ។

 គ- បេសកកម្មនៃការស៊ើបអង្កេត និង ការអនុវត្ដន៍ច្បាប់ ៖ រយៈពេលជាង ១ ឆ្នាំកន្លងទៅ ថ្នាក់ដឹកនាំ និង មន្ដ្រី អង្គ ភាពបានចុះប្រតិបត្ដិការស៊ើបអង្កេតស្រាវជ្រាវដល់មូលដ្ឋានបានចំនួន ២០ លើក ហើយទទួល បាន លទ្ធផលល្អ កាត់ បន្ថយបាននូវបាតុភាពអសកម្ម បាតុភាពល្មើសច្បាប់ឆ្នាំ ២០០៦ បានរកឃើញរថយន្ដចង្កូតស្ដាំ នាំចូលខុសច្បាប់ចំនួន ១៨៤ គ្រឿង ព្រមទាំងបានដាក់វិន័យចំពោះសមត្ថកិច្ច តាមរយៈអនុក្រិតលេខ ៧៥៧ អនក្រត.ត ចុះថ្ងៃទី០១ ខែធ្នូ ឆ្នាំ ២០០៦ ចំនួន ៣៩ រូប ព្រមទាំង ២ រូបទៀត ពីបទជំរិតទារប្រាក់ពីជនបរទេស ។ បច្ចុប្បន្ននេះ បាតុភាពនាំចូលរថយន្ ដចង្កូតស្ដាំខុសច្បាប់ ត្រូវបានលុបបំបាត់ទាំងស្រុង ។ រយៈពេលជាង ១ ឆ្នាំ កន្លងទៅ អង្គភាពប្រឆំាងអំពើពុករលួយ បានចាត់តាំងប្រតិភូចុះបេសកកម្ម និង ធ្វើទស្សនកិច្ច សិក្សានៅក្រៅប្រទេសមានចំនួន ១០ លើក សំដៅពង្រឹងទំនាក់ទំ នងមិត្ដភាព បង្កើនកិច្ចសហ ប្រតិបត្ដិការថ្នាក់តំបន់ និង អន្ដរជាតិ និង បានចុះហត្ថលេខាចូលជារដ្ឋភាគីនៃអនុសញ្ញា អ.ស.ប ស្ដីពីការ ប្រឆាំងអំពើពុករលួយនិងជារដ្ឋហត្ថលេខីនៃអនុស្សរណៈ ស្ដីពីសហប្រតិបត្ដិការដើមី្បទប់ស្កាត់ និងប្រ យុទ្ធប្រឆាំងអំពើ ពុករលួយជាមួយសមាជិកអាស៊ាន ៨ ប្រទេស ដើមី្បធ្វើសហប្រតិបត្ដិការ រួមគ្នាក្នុងការប្រយុទ្ធប្រ ឆាំងអំពើពុករលួយ ។

 រួមសេចក្ដីមករយៈពេលជាង១ឆ្នាំនេះ អង្គភាពប្រឆាំងអំពើពុករលួយ បានបំពេញភារកិច្ចយ៉ាងម៉ឹងម៉ាត់ ដោយទទួល បានលទ្ធផលគួរជាទីពេញចិត្ដ ហើយសមិទ្ធផលធំៗទាំងនេះ គឺដោយសារមាន កិច្ចសហការពីបណ្ដាក្រសួងស្ថាប័ន អាជ្ញា ធរដែនដី និង សមត្ថកិច្ចពាក់ព័ន្ធ ពិសេសការចូលរួមពីមហាជន ដែលមានការយល់ជ្រួតជ្រាបយ៉ាងច្បាស់ ពីផលប៉ះ ពាល់នៃអំពើពុករលួយ រួមជាមួយការយកចិត្ដទុកដាក់ខ្ពស់ នៃការកែទំរង់ផ្ទៃក្នុងរបស់ថ្នាក់ដឹកនាំតាមបណ្ដាក្រសួង ស្ថាប័ន នានាផងដែរ ។ កត្ដាទាំងនេះបញ្ជាក់ឱ្យឃើញថា អង្គភាពប្រឆាំងអំពើពុករលួយ មានផែនការយុទ្ធសាស្ដ្រ និង ផែនការ សកម្មភាព កម្មវិធីកំណែទំរង់ជាខ្សែចង្វាក់ ហើយបានរួមចំណែកធ្វើឱ្យផ្ដល់ការសេវាសាធារណៈ កាន់តែមានតម្លាភាព ប្រសិទ្ធភាព ព្រមទាំង ផ្ដល់លទ្ធភាពឱ្យមានការប្រកួតប្រជែង ក្នុងវិស័យឯកជនប្រកបដោយសមធម៌ និង យុត្ដិធម៌នៅ ក្នុងសង្គមទាំងមូល ដោយចាត់ទុកការងារប្រយុទ្ធប្រឆាំងអំពើពុករលួយ ជាជ្រុងមួយនៃអភិបាលកិច្ចល្អ ដែលជាស្នូលនៃ យុទ្ធសាស្ដ្រចតុកោណរបស់រដ្ឋាភិបាល ។

២- ការបន្ដផ្ដល់សិទ្ធិពិសេស ដោយគ្មានតម្លាភាពលើការលក់ប័ណ្ណចូលទស្សនា ប្រាសាទក្នុងតំបន់អង្គរ និង ការយកលុយ ពីយានយន្ដបើកបរលើផ្លូវជាតិលេខ ៤ និង ការផ្ដល់ឱ្យក្រុមហ៊ុន Bangkok Airways ហោះហើរ ផ្ដាច់មុខ ពីបាងកក-សៀមរាបៈ

 ក- ការបន្ដផ្ដល់សិទ្ធិពិសេសដោយគ្មានតម្លាភាពលើការលក់ប័ណ្ណចូលទស្សនាប្រាសាទក្នុងតំបន់អង្គរ ៖ ករណីនេះ សម្ដេច អគ្គមហាសេនាបតីបតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានបំភ្លឺយ៉ាងក្បោះក្បាយ រួចហើយតាម រយៈលិខិតលេខ ០៨ សជណ.កបច ចុះថ្ងៃទី០៣ ខែមិនា ឆ្នាំ២០០៨ ។

 ខ- ការយកលុយពីយានយន្ដបើកបរលើផ្លូវជាតិលេខ ៤ ៖ ករណីនេះរាជរដ្ឋាភិបាល បានធ្វើការ បំភ្លឺជាច្រើនដងរួមមក ហើយ ប៉ុន្ដែអ្នកតំណាងរាស្ដ្រ សុន ឆ័យ នៅតែបន្ដសួរដដែលៗ ។ ខ្ញុំបានសូមស្នើឯកឧត្ដម សុន ឆ័យ ធ្វើការពិនិត្យលើ លិខិតដែលរាជរដ្ឋាភិបាលបានធ្វើ្វជូនពាក់ព័ន្ធនឹងបញ្ហានេះហើយ ខ្ញុំបាទក៏សូម ផ្ញើជូនពាក់ព័ន្ធនឹងបញ្ហានេះហើយ ខ្ញុំបាទ ក៏សូមផ្ញើជូនផងដែរនូវលិខិតលេខ ៥០៣ ស.ក ចុះថ្ងៃទី២៩ ខែកុម្ភៈ ឆ្នាំ២០០៨ របសក្រសួងសាធារណៈការ និង ដឹក ជញ្ជូន ដែលមានខ្លឹមសារទាំងស្រុងដូចមានភ្ជាប់មកជាមួយ ។

 គ- ការផ្ដល់ឱ្យក្រុមហ៊ុន Bangkok Airways ហោះហើរផ្ដាច់មុខពីបាងកក-សៀមរាបៈ ការហោះហើរ ក្រៅប្រទេស ក្នុងតំបន់មកកាន់សៀមរាប គឺអនុញ្ញាតឱ្យហោះហើរត្រង់ក្នុងគោលដៅ និង ជំរុញវិស័យ ទេសចរណ៍ ដែលក្នុងនោះ រាជរដ្ឋាភិបាល បានផ្ដល់អាទិភាពឱ្យក្រុមហ៊ុនអាកាសចរណ៍ជាតិកម្ពុជាហោះហើរ ដឹកភ្ញៀវទេសចរពីសៀមរាប ត្រង់ ទៅបណ្ដាប្រទេសក្នុងតំបន់ ដើមី្បនិរន្ដរភាពសេវាកម្ម និង បង្កើនភាព ទុកចិត្ដក្នុងការទាក់ទាញភ្ញៀវទេសចរមកខេត្ដ សៀមរាប ។ ការហោះហើរសេវាកម្ម ត្រូវមានផងប្រយោជន៍ ស្មើគ្នារវាងប្រទេសនីមួយៗ ដោយឡែកចំពោះភាគីថៃ ក្រុមហ៊ុនអាកាសចរណ៍ជាតិកម្ពុជា មិនអាចធ្វើការ ប្រកួតប្រជែងជាមួយក្រុមហ៊ុនអាការចរណ៍ជាតិថៃបានទេ ព្រោះ សក្ដានុពលសេដ្ឋកិច្ច និង កេរ្ដិ៍ឈ្មោះរបស់ ក្រុមហ៊ុននេះ អាចទាក់ទាញ និង ប្រមូលភ្ញៀវលើដំណាក់ផ្លូវ បាងកក-សៀមរាប ដោយហេតុនេះ ទើបក្រុមហ៊ុនអាកាសចរណ៍ជាតិកម្ពុជាសុំឱ្យក្រុមហ៊ុន Bangkok Airways ហោះហើរធ្វើសេវា កម្មទៅមក ជាមួយក្រុមហ៊ុនអាកាសចរណ៍ជាតិកម្ពុជាតិលើដំណាក់ផ្លូវបាងកក-សៀមរាបទើបអាចប្រកួតប្រជែងបាន។ ការហោះហើរពីសៀមរាប-បាងកក-សៀមរាប ក្រុមហ៊ុនអាកាសចរណ៍ជាតិកម្ពុជាបានដំណើរការធ្វើសេវាកម្ម និង បាន បញ្ឈប់ នៅឆ្នាំ ២០០០ ដូច្នេះការហោះហើររបស់ក្រុមហ៊ុន Bangkok Airways នៅតែដំណើរការដដែរ ដោយគ្មាន ក្រុមហ៊ុនអាកាសចរណ៍ជាតិកម្ពុជា ឬ ក្រុមហ៊ុនអាកាសចរណ៍ក្នុងស្រុកប្រកួតប្រជែង ដែលជាហេតុធ្វើឱ្យភាគីកម្ពុជាមិន អនុញ្ញាត ឱ្យមានក្រុមហ៊ុនអាកាសចរណ៍ថៃផ្សេងទៀត ហោះហើយ បន្ថែមលើដំណាក់ផ្លូវនេះបាន ។

 រួមសេចក្ដីមកករណីនេះ គឺជាការហោះហើយមិនមែនផ្ដាច់មុខរបស់ក្រុមហ៊ុន Bangkok Airways ទេ ដោយសារការ ប្រកួតប្រជែងសេវាកម្មពាណិជ្ផកម្មតែប៉ុណ្ណោះ ។

៣- ការផ្ទេរកោះខ្មែរមួយចំនួនទៅឱ្យក្រុមហ៊ុនឯកជន តាមរយៈអនុក្រឹត្យចុះថ្ងៃទី០១ ខែវិច្ជិកា ឆ្នាំ២០០៧ ដែល មាន កោះស្រមោធ កោះប្រឺស កោះក្របី និង កោះត្រេះ ៖ កន្លងមកក្រុមប្រឹក្សាអភិវឌ្ឍន៍កម្ពុជា បានផ្ដល់គោលការ អភិវឌ្ឍន៍លើបណ្ដា កោះ ក្រោមរូបភាពជួលរយៈពេលវែង ពុំមានឆ្លងកាត់នីតិវធីដេញថ្លៃទេ ពោលគឺ ក.អ.ក បានធ្វើការជ្រើសរើសតាមរយៈ ការពិគ្រោះយោបល់ស្របតាមសិទ្ធិរបស់រាជរដ្ឋាភិបាល ដែលមានចែងក្នុង ច្បាប់និងបទប្បញ្ញត្ដិពាក់ព័ន្ធ ។ ចំពោះការ ជ្រើសរើស ក្រុមហ៊ុនវិនិយោគ ក្រៅប្រព័ន្ធដេញថ្លៃនេះ ក.អ.ក មានការយកចិត្ដទុកដាក់ខ្លាំងណាស់ ដោយអង្គប្រជុំ ច្រក ចេញ-ចូលតែមួយ ដែលមានការចូលរួម ពីគ្រប់តំណាងក្រសួង-ស្ថាប័នពាក់ព័ន្ធ រួមទាំងសភាពាណិជ្ជកម្មផង បានធ្វើការ ពិចារណា យ៉ាងល្អិតល្អន់ បំផុតមុននឹងសំរេច ។ ហេតុផលដែលអង្គប្រជុំសំរេច ផ្ដល់សិទ្ធិជូនក្រុមហ៊ុនវិនិយោគលើបណ្ដា កោះ ដោយមិនឆ្លងនីតិវិធីដេញថ្លៃនេះមានដូចខាងក្រោមៈ

 - ករណីជួលខុសពីករណីលក់ដែលការជួលជាទូទៅពុំមានការដេញថ្លៃទេ ។

 - ទីតាំងកោះស្ថិតក្នុងដែនសមុទ្រ ដោយមានកោះខ្លះស្ថិតនៅជាប់ព្រំដែនថែមទៀត ដែលចាំបាច់ត្រូវ មានការប្រុងប្រយ័ត្ន ក្នុងការជ្រើសរើសអ្នកវិនិយោគ ។ ប្រសិនបើយើងអនុវត្ដតាមនីតិវិធីដេញថ្លៃនេះ យើងចាំបាច់ត្រូវជួលទីតាំងកោះនោះ ជូនក្រុមហ៊ុនដែលឈ្នះការដេញថ្លៃ ទោះបីជាក្រុមហ៊ុន នោះមកពី ប្រទេសណាក៏ដោយ ជាក្រុមហ៊ុនដែលមានសាធារណ ជនយល់ថា ពុំសមស្របក៏ដោយ ។ ពុំនោះទេ យើងអាចជួបបញ្ហាជាច្រើន ហើយយើង និង ទទួលការរិះគន់ធ្ងន់ជាងអ្វី ដែលឯកឧត្ដម សុន ឆ័យ រិះគន់ទៅទៀត ។

 ការជ្រើសរើសក្រុមហ៊ុនវិនិយោគកន្លងមក ពុំមែនជាការជ្រើសរើសក្នុងក្របខ័ណ្ឌអន្ដរក្រសួងតាមរយៈអង្គប្រជុំ “ច្រក ចេញ-ចូលតែមួយ” ក្នុងក្របខ័ណ្ឌបើកទូលាយ និង ផ្ដល់សិទ្ធិបញ្ចេញមតិគ្រប់បែបយ៉ាងទាំងអស់ ដែលនោះគឺជានីតិវិធី តម្លាភាពមួយ ។

 “ក.អ.ក” បានរៀបចំកិច្ចសន្យាគំរូមួយ ដែលមានប្រសិទ្ធភាពក្នុងការរកចំណូលដុលរបស់គំរោងវិនិយោគ ហើយកិច្ច សន្យានេះទទួលបាននូវការកោទសរសើរជាច្រើនថា ជាកិច្ចសន្យាដែលផ្ដល់ទំងន់ និង ការគិតគូរពីផលប្រយោជន៍ជាតិ យ៉ាងខ្លាំង ទាំងពេលចំពោះមុខ ទាំងពេលអនាគតផងដែរ ។

 ផ្ទុយទៅវិញការមិនផ្ដល់ការអនុញ្ញាត ឬ យឺតយ៉ាវក្នុងការផ្ដល់គោលការណ៍វិនិយោគតាមបណ្ដាលកោះ គឺជា ការបាត់បង់ឱ កាសមួយយ៉ាងធំមានតំលៃពុំអាចគណនាបានឡើយ ។

 យើងពុំបដិសេធមតិរបស់ឯកឧត្ដម សុន ឆ័យ ដែលមានន័យថា មុននឹងផ្ដល់ការអនុញ្ញាតិឱ្យក្រុមហ៊ុនណាមួយ វិនិយោគ រដ្ឋគួរមានគំរោងប្លង់មេជាមុនសិនទេ ព្រោះថាមតិនេះមានលក្ខណៈបច្ចេកទេស ។ ប៉ុន្ដែស្ថិត ក្នុងស្ថានភាពប្រែប្រួលពាក់ ព័ន្ធនឹងសន្ដិសុខ បរិស្ថានសង្គម បរិស្ថាននយោបាយនៃប្រទេសមួយចំនួនក្នុងតំបន់ គឺជាកត្ដាជំរុញឱ្យរាជរដ្ឋាភិបាលត្រូវ តែឆ្លៀតឱកាសប្រើប្រាស់ស្ថានភាពខាងលើនេះ ដើមី្បឆក់យក ផលប្រយោជន៍មកជូនជាតិឱ្យខានតែបាន ដោយពុំអាចរង់ ចាំការរៀបចំប្លង់មេរួចរាល់សិន ទើបយើងពិនិត្យ សំណើរវិនិយោគបានទេព្រោះថា ៖ ការរៀបចំប្លងមេត្រូវចំណាយពេល យូរថែមទៀត ដែលការអូស បន្លាយនេះអាចធ្វើឱ្យកម្ពុជាបាត់បង់ឱកាសស្រូបយកផលប្រយោជន៍ ពីភាពមិនអំណោយ ផលផ្នែក ទេសចរណ៍ នៃបណ្ដាប្រទេសជិតខាងយើង ។

 ពិតមែនតែកោះនីមួយៗរាជរដ្ឋាភិបាល ពុំទាន់បានរៀបចំគំរោងប្លង់មេជាមុនមែន តែរាល់សំណើទាំងអស់ គណៈកម្មាធិការ អន្ដរក្រសួងមួយចុះពិនិត្យសិក្សាដល់ទីតាំងយ៉ាងច្បាស់លាស់មួយជំហានផងដែរ ទើបអង្គប្រជុំ “ច្រកចេញ-ចូលតែមួយ” មានមូលដ្ឋានពិនិត្យសំរេច ។ គណៈកម្មាធិការអន្ដរក្រសួងនេះ មានការចូលរួម ពីតំណាងគ្រប់ក្រសួងស្ថាប័នពាក់ព័ន្ធទាំង អស់ត្រូវបន្ដរៀបចំគំរោងប្លង់មេ ដើមី្បយកមកដាក់ឆ្លងការសំរេចពី “ច្រកចេញ-ចូលតែមួយ” ជាថ្មីម្ដងទៀត មុននឹងក្រុម ហ៊ុនអាចដំណើរការអនុវត្ដន៍គំរោងបាន ។

 អ្វីដែលឯកឧត្ដម សុន ឆ័យ បានលើកឡើងថា “ក.អ.ក” ផ្ដល់ដីកោះជូនក្រុមហ៊ុនដែលពុំមានបទពិសោធន៍ ហើយក្រុម ហ៊ុនខ្លះជាក្រុមហ៊ុនបរទេស ដែលសុំគោលការរួចយកទៅលក់ ដើមី្បយកចំណេញពីរដ្ឋនោះ គឺជាការលើកឡើងគ្មានមូល ដ្ឋានច្បាស់លាស់តាមការវាយតំលៃស្មានៗ ដែលយើងអាចសន្និដ្ឋានបានថា ឯកឧត្ដម សុន ឆ័យ ពុំបានសិក្សាស៊ីជំរៅលើ ករណីនេះនៅឡើយទេ ដោយហេតុថា ៖ រហូតមកដល់ពេលនេះ “អ.ក.អ” ពុំទាន់បានផ្ដល់ការអនុញ្ញាត ឬ ទទួលសំណើពី ក្រុមហ៊ុនណាមួយសំលក់គោលការ ឬ លក់គំរោង នោះឡើយ ។

 អនុយោមតាមច្បាប់បទប្បញ្ញត្ដិជាធរមាន និង ផ្អែកតាមខ្លឹមសារនៃកិច្ចសន្យាជួល សាមីក្រុមហ៊ុន ពុំអាច ផ្ទេរកិច្ចសន្យា ទៅឱ្យអ្នកទី ៣ បានឡើយ ប្រសិនបើក្រុមហ៊ុននេះពុំបានអនុវត្ដបានយ៉ាងតិច ៣០ ភាគរយ នៃគំរោងទាំងមូល និង មាន ការឯកភាពពីភាគីរដ្ឋទេនោះ ។ ប៉ុន្ដែការប្ដូរភាគហ៊ុនជាកិច្ចការផ្ទៃក្នុង គឺជារឿងធម្មតាក្នុងសកម្មភាពពាណិជ្ជកម្ម ដែលនៅប្រ ទេសណាក៏មានដែរ ។
ក្រុមហ៊ុនដែលបានចុះហត្ថលេខាជាមួយរដ្ឋាភិបាលកន្លងមកសុទ្ធតែបានបង់ប្រាក់កក់តាមកិច្ចសន្យាយ៉ាងតិច ៥០០០០០ ដុល្លាអាមេរិច និង ចាប់ផ្ដើមចុះធ្វើការសិក្សារៀបចំគំរោងប្លង់មេ តាមកិច្ចសន្យារួមហើយ ។ សកម្មភាពនេះបង្ហាញថា ក្រុមហ៊ុនទាំងនោះពិតជាមានបទពិសោធន៍ និង លទ្ធភាពទុនពិតប្រាកដ ផ្ទុយ ទៅពីការ លើកឡើងខាងលើទាំងស្រុង ។
ច្បាប់វិនិយោគក៏ដូចជាច្បាប់ផ្សេងៗទៀត ពិសេសរដ្ឋធម្មនុញ្ញនៃព្រះរាជាណាចក្រកម្ពុជាពុំមានការរើសរអើង និង ពុំមាន ការដាក់កំហិតជនបរទេសលើការងារវិនិយោគទេ ពោលគឺអ្នកវិនិយោគបរទេសមានសិទ្ធិ ដូចអ្នកវិនិយោគ ក្នុងស្រុកដែរ លើកលែងករណីកម្មសិទ្ធករលើដីធ្លីដែលជនបរទេសពុំមានសិទ្ធិ ។

ដូច្នេះការផ្ដល់គោលការវិនិយោគផ្នែកទេសចរណ៍ នៅ តាមបណ្ដោយកោះ ជូនជនបរទេស គឺជាការ គិតគូរដល់ការ បង្កើនកញ្ចប់ភ្ញៀវទេសចរចូលមកកម្ពុជា ឱ្យបានកាន់តែច្រើនទៅ វិញទេ ព្រោះថា ជនបរទេស ជាអ្នកវិនិយោគមកពីគ្រប់ទិសទី គេមានកញ្ចប់ភ្ញៀវទេសចររបស់ស្រាប់ ។

 ៤- ការបន្ដអនុញ្ញាតផ្ដល់ដ្ញាីតផ្ដល់ដីព្រៃសម្បទានលើសពីច្បាប់កំណត់ ដល់ក្រុមហ៊ុនឯកជន ដោយពុំមាន ការបង់ពន្ធ ការ ត្រួតពិនិត្យការកាប់ឈើ និង ការអនុវត្ដន៍គំរោងឱ្យបានត្រឹមត្រូវ ។

 ករណីនេះរាជរដ្ឋាភិបាលបានចាត់ឯកឧត្ដម ច័ន្ទ សារុន រដ្ឋ មន្ដ្រីក្រសួងកសិកម្ម រុក្ខាប្រមាញ់ និង នេសាទ អញ្ជើញទៅបំភ្លឺដោយផ្ទាល់មាត់នៅចំពោះមុខអង្គសភា តាមការស្នើ របស់រដ្ឋសភាកាលពីថ្ងៃព្រហស្បត្ដិ៍ ទី១៨ ខែតុលា ឆ្នាំ២០០៧ វេលាម៉ោង ៨ ព្រឹករួចរាល់ចប់សព្វគ្រប់អស់ហើយ ។ ដូច្នេះសូមឯកឧត្ដម សុន ឆ័យ មេត្ដាពិនិត្យឡើងវិញពាក់ព័ន្ធនឹងបញ្ហានេះ ។

៥- ការលួចបំបាច់ប្រាក់ជាតិ អំពើពុករលួយ និង ការរំលោភអំណាចរបស់អគ្គនាយកទូរគមនាគមន៍កម្ពុជា តាមរបាយ ការណ៍ចុះថ្ងៃទី០២ ខែតុលា ឆ្នាំ ២០០៧ របស់រដ្ឋមន្ដ្រី សូ ឃុន ។ រាជរដ្ឋាភិបាលកំពុងតែចាត់វិធានការ និង ធ្វើការស៊ើប អង្កេតបន្ថែមទៀត ដើមី្បបំភ្លឺករណីនេះ ឱ្យកាន់តែច្បាស់លាស់ចៀសវាងការភ័ន្ដច្រឡំ ។

៦- ការរំលោភដីធ្លឺប្រជាពលរដ្ឋពីសំណាក់អាជ្ញាធរ និង អ្នកមានអំណាច ករណីនេះរាជរដ្ឋាភិបាល បានធ្វើការ បំភ្លឺរួចមក ហើយតាមរយៈលិខិតលេខ ១២៤ លស.កបច ចុះថ្ងៃទី០៩ ខែមេសា ឆ្នាំ២០០៧ តបនឹងលិខិតលេខ ២៦០ រស ចុះថ្ងៃទី ១៤ ខែមិនា ឆ្នាំ២០០៧ របស់រដ្ឋសភា ។

© 2007  ទីស្ដីការគណៈរដ្ឋមន្ដ្រី នៃព្រះរាជាណាចក្រកម្ពុជា   Power by IDS Cambodia

Webmaster:  Samreth Socheat, Bouth Kinet, Chhim Nouv,