ថៃ្ងទី១៧ ខែមិថុនា ឆ្នាំ២០០៨

នាយករដ្ឋមន្ដ្រីបើកការដ្ឋានស្ពានឆ្លងកាត់ដៃទន្លេសាបដែលវិនិយោគដោយក្រុមហ៊ុនឯកជន

ភ្នំពេញៈ ស្ពានឆ្លងកាត់ដៃទន្លេសាបត្រងចំណុចព្រែកព្នៅរាជធានីភ្នំពេញ ដែលវិនិយោគដោយក្រុមហ៊ុនក្នុងស្រុក បានបើក ការដ្ឋានសាសង់កាលពីថ្ងៃទី ១៥ ខែមិថុនា ដោយ សម្ដេចអគ្គមហាសេនាបតីតេជោ ហ៊ុន សែន ដែលមានស្រសាន៍ថា នេះជា ការកៀងគរវិស័យហេដ្ឋារចនាសម្ព័ន្ឋនោះ ។

ស្ពានព្រែកព្នៅមានប្រវែង ៩៩៦, ២០ ម៉ែត្រមានទទឹងសរុប ១៤ម៉ែត្រ មានតំលៃសរុប ៤២៥៥០០០០ ដុល្លារ ដោយគិត ទាំងផ្លូវតភ្ចាប់នៅត្រើយខាងកើតដែលមានប្រវែង ៧១៧០,៥២ ម៉ែត្រទៅកាន់ផ្លូវជាតិលេខ ៦A និង ស្ពានទី ៧ ផងដែរ ។

សម្ពេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជាមានប្រសាសន៍ថា ក្នុងពិភពលោកនេះ ប្រទេសណាក៏ដោយរដ្ឋគ្មានទុនគ្រប់គ្រាន់ ដើម្បីនឹងផ្ដល់ការវិនិយោគទៅគ្រប់គ្រាន់ ដើម្បីនឹងផ្ដល់ការវិនិយោគទៅគ្រប់ផ្នែក នោះទេ ។ សម្ដេចនាយករដ្ឋមន្ដ្រីថ្លែងថា រយៈពេលចុងក្រោយនេះ រាជរដ្ឋាភិបាលបានយកចិត្ដទុកដាក់ ជាពិសេសទៅលើ ការកៀងគរផ្នែកឯកជនអោយចូលរួម ក្នុងវិស័យ ហេដ្ឋារចនាសម្ព័ន្ឋ ដែលជាវិស័យពិបាកបំផុត ដើម្បីអោយមានការចូល រួមពីវិស័យឯកជន ព្រោះការប្រមូលទុន ត្រឡប់មកវិញមិនងាយស្រួលនោះឡើយ ។

ក្រុមហ៊ុន L.V.P Group របស់លោក់ឧកញ៉ា លី យុងផាត់ ដែលវិនិយោគតាមរូបមន្ដសាងសង់អាជីវកម្មេផ្ទរ (B.O.T) បានទទួលការេកាតសរសើរពីប្រមុខរាជរដ្ឋាភិបាលចំពោះការសំរេចបណ្តាក់ទុននេះ ដែលជាផែ្នកមួយ នៃការ ជួយសំរាល បន្ទុករបស់រាជរដ្ឋាភិបាលនោះ ។

លោក កែប ជុតិមា អភិបាលរាជធានីភ្នំពេញថែ្លងថា ការសាងសង់ស្ពានព្រែកព្នៅមានរយៈពេល ២៨ ខែ ហើយការធើ្វអាជី វកម្មកំណត់ត្រឹមរយៈពេល ៣០ ឆ្នាំ គិតចាប់ពីថ្ងៃ ដែលស្ពានបើកអោយប្រើប្រាស់ជាផ្លូវការ ។ លោកមានប្រសាសន៍ថា ស្ពាន និង ផ្លូវនេះគឺជាសំណង់ប្រវតិ្តសាស្រ្តមួយ ដែលកសាងឡើងស្របតាម គំរោងប្លង់គោលរបស់រាជធានីភ្នំពេញ ដែល បច្ចុប្បន្ននេះ កំពុងប្រមូលផ្តុំប្រជាពលរដ្ឋ និង មធ្យោបាយយានយន្តគ្រប់ប្រភេទ យ៉ាងច្រើនកុះករ និង កំពុងមានសេដ្ឋ កិច្ចរីកចំរើនយ៉ាងខ្លាំងក្លាដែរនេះ ។ ស្ពាន និង ផ្លូវនេះបងើ្កតបានជាប្រព័ន្ធគមនាគមន៍មួយ ដែលធ្វើអោយទិសដៅអភិវឌ្ឍ ន៍រាជធានីភ្នំពេញ ភាគខាងជើង កាន់តែមានកំលាំងបោះជំហានទៅមុខជាលំដាប់ ។

សមេ្តចអគ្គមហាសេនាបតីតេជោ ហ៊ុន សែន មានប្រសាសន៍ថា ក្រុមហ៊ុន L.V.P Group បានចូលរួមជាមួយ រាជរដ្ឋាភិបាល ក្នុងការកសាងហេដ្ឋារចនាសម្ព័ន្ធ ដែលជាផ្នែកមួយដ៏សំខាន់ សំរាប់អូសទាញកំណើនសេដ្ឋកិច្ច របស់យើង ដែលនេះ ជាសកម្មភាពគួរអកោតសរសើរបំផុត ។