កម្ពុជា-កូរ៉េលើកកំពស់ពាណិជ្ជកម្មវិស័យព័ត៌មានវិទ្យានៅប្រទេសកម្ពុជា

សមាគមឧស្សាហកម្មធុនតូចនិង មធ្យម កម្ពុជាបានសហការជាមួយសមាគមបច្ចេកវិទ្យាគមនាគមន៏ព័ត៌មាន វិទ្យាកម្ពុជារៀបចំកិច្ចជំនួបពិភាក្សាពាណិជ្ជកម្មវិស័យបច្ចេកទេសគមនាគមន៏ព័ត៌មានវិទ្យាកម្ពុជា-កូរ៉េ កាល ពីថ្ងៃ ទី ១៤ ខែ វិច្ឆិកា នៅសណ្ឋាគារកាំបូឌីយ៉ាណាដែលកិច្ចជំនួបពិភាក្សានោះមានមនុស្សចូលរួមចំនួនជាង ១០០ នាក់ មកពីបណ្ដាក្រុមហ៊ុនជាច្រើនធ្វើការពាក់ព័ន្ឋនឹងព័ត៌មានវិទ្យា មកពីខាងស្ថាប័នរដ្ឋាភិបាល និង បណ្ដា សាកល វិទ្យាល័យមួយចំនួនទៀត។
សេចក្ដីប្រកាសព័ត៌មានដែលបានផ្សព្វផ្សាយនៅក្នុងកិច្ចជំនួបពិភាក្សានោះបានអោយដឹងថា លោកកេន ចាន់ ថន ប្រធាននៃសមាគមបច្ចេកវិទ្យា គមនាគមន៏ ព័ត៌មានវិទ្យាកម្ពុជា បានមានប្រសាសន៏ថា ក្នុងយុគសម័យ សេដ្ឋកិច្ចចំណេះដឹងបច្ចេកវិទ្យា គមនាគមន៏ ព័ត៌មានវិទ្យាកម្ពុជា ដើរតួនាទីយ៉ាងសំខាន់ក្នុងការលើកកំពស់ កំណើន និង ការប្រកួតប្រជែងតាមរយៈការបង្កើតការងារដល់យុវជនលើកកំពស់កិច្ចសំរួលពាណិជ្ជកម្ម និង ផលិតភាពនៃធុរកិច្ចក៏ដូចជាសហគ្រាសធុនតូច និង មធ្យមសំរួលទំនាក់ទំនង និង ការបើកទីផ្សារផលិតផល ទៅកាន់តំបន់និង ពិភពលោក។ លោកកេន ចាន់ថនបានផ្ដល់ជាអនុសាសន៏ ដើម្បីទាញយកសារប្រយោជន៏ពី វិស័យបច្ចេកវិទ្យា គមនាគមន៏ ព័ត៌មានវិទ្យាត្រូវបានផ្ដល់ដូចជា
១. រៀបចំគោលនយោបាយ ច្បាប់ និង បទបញ្ញត្ដិផ្សេងៗ ដែលទាក់ទងទៅនឹងវិស័យបច្ចេកវិទ្យា គមនាគមន៏ ព័ត៌មានវិទ្យា និង អនុម័តនូវរាល់សេចក្ដីព្រាងទាំងឡាយ
២. បញ្ជ្រាបបច្ចេកវិទ្យា គមនាគមន៏ ព័ត៌មានវិទ្យា ក្នុងវិស័យអប់រំផ្ដើមពីការធ្វើវិក្រឹតកម្ម