ថៃ្ងទី១២ ខែមិថុនា ឆ្នាំ២០០៨

ប្រកាសឱ្យប្រើប្រាស់ផ្លូវលំអំណោយលោក ឩបកនាយករដ្ធមន្រ្តី សុខ អាន

ផ្លូវលំក្រាលថ្មល្អិតមួយខ្សែប្រវែង ២.០០០ម៉ែត្រ ជាអំណោយរបស់ឩបនាករដ្ធមន្រ្តីទទួលបន្ទុកទីស្តីការគណៈរដ្ធ មន្រ្តី ប្រធានក្រុមការងារចុះជួយខេត្តតាកែវ ផ្តល់ជូនប្រជាពលរដ្ធឃុំតាំងយ៉ាប ស្រុកព្រៃកប្បាស ត្រូវបានលោក សួង ចាន់ថន មេធាវីរាជរដ្ធាភិបាល និងជាប្រធានក្រុមការងារចុះជួយឃុំតាំងយ៉ាបប្រកាសប្រគល់ជូនប្រជាពល រដ្ធប្រើប្រាស់។

លោក ពូ វណ្ណថន ជាប្រធានគណៈកម្មាធិការគណបក្សប្រជាជនកម្ពុជាស្រុកព្រៃកប្បាស ព្រមទាំងក្រុមបក្សភូមិ-ឃុំ បានអោយដឹងថា ស្រុកព្រៃកប្បាសនេះតាមរយៈក្រុមការងារចុះជួយស្រុក-ឃុំ ឩបនាករដ្ធមន្រ្តី សុខ អាន បានជួយកសាងផ្លូវលំ សាលារៀន អណ្តូងទឹក ស្រះទឹក សាលាបុណ្យជាច្រើន ធ្វើឱ្យ ប្រជាពលរដ្ធ ងាយស្រួល ក្នុងការរស់នៅប្រចាំថ្ងៃ ។ ជាក់ស្តែងនៅឃុំតាំងយ៉ាប តាមរយៈលោកសួង ចាន់ថន ប្រធានក្រុមការងារឯកឩត្តម សុខ អាន បានជួយជួសជុលផ្លូវចំនួន៨ខ្សែរ ហើយផ្លូវក្រាលថ្មល្អិត ស្ថិតនៅភូមិព្រៃចំបក់នេះមានប្រវែង ២.០០០ម៉ែត្រ ដែលបាន ជួសជុលហើយរួចរាល់កាលពីចុងខែឩសភា កន្លងមកទៅនិង ប្រកាសឱ្យប្រើប្រាស់ នាពេលនេះ។

លោកសួង ចាន់ថន បានមានប្រសាសន៏ទៅកាន់អ្នកចូលរួមចំនួន ៩១១នាក់ ថាប្រទេសជាតិក្រោមការដឹកនាំ របស់សម្តេចតេជោ ហ៊ុន សែន ប្រមុខនៃរាជរដ្ធភិបាលបានកសាងអភិវឌ្ឍន៏ប្រទេសពីគ្មាន អី្វសោះរហូតរីក ចំរើនលើគ្រប់វិស័យ ។ ទន្ទឹមនឹងនេះ លោកឩបនាយករដ្ធមន្រ្តី សុខ អាន តាមរយៈក្រុមការងារ ឯកឩត្តមបាន ជួយកសាងផ្លូវលំ នៅក្នុងឃុំតាំងយ៉ាបនេះ ដើម្បីជួយសំរួលការធ្វើដំណើររបស់ប្រជាពលរដ្ធ ។ លោកបានបន្ត ទៀតថា ដើម្បីឱ្យមានការកសាងប្រទេសកាន់តែចំរើនថែមទឿតនោះ សូមបោះឆ្នោតជូនគណបក្សប្រជាជនកម្ពុជា ព្រោះគណបក្សប្រជាជនកម្ពុជាធ្វើអត់សន្យាចោល ៕