ថៃ្ងទី១២ ខែមិថុនា ឆ្នាំ២០០៨

អ្នកមានសញ្ញាបត្រអត់ការងារធ្វើខណៈស្ថាប័នខ្លះខ្វះធនធានមនុស្ស

នៅទីស្តីការគណៈរដ្ធមន្រ្តីកាលពីថៃ្ងទី ១០ មិថុនា គណៈកម្មាធិការជាតិបណ្តុះបណ្តាលបានបើក កិច្ចប្រជុំមួយស្តីពី លទ្ធផល នៃការតាមដានការបណ្តុះបណ្តាលជំនាញក្រោមអធិបតីភាពលោកឩបនាយករដ្ធមន្រ្តី សុខ អាន រដ្ធមន្រ្តី ទទួលបន្ទុកទីស្តីការគណៈរដ្ធមន្រ្តី។

សំលេង

ឯកឩត្តមឩបនាយករដ្ធមន្រ្តីបន្តថាការបណ្តុះបណ្តាលវិជ្ជាជីវៈបច្ចុប្បន្ន មួយចំនួនធំគេឃើញមាននៅក្នុងវិស័យ កសិកម្មដែលផ្តោតជាសំខាន់ទៅលើខេត្តចំនួន ៧ គឺខេត្តបាត់តំបង ខេត្តកំពត ខេត្តកំពង់ឆ្នាំង ខេត្តសៀមរាប ខេត្តស្ទឹងត្រែង ខេត្តស្វាយរៀង និងខេត្តតាកែវ ហើយការបណ្តុះបណ្តាលនេះគឺឈរនៅលើគោលការណ៏២៣ចំណុច ដូចជា ការបង្កាត់ពូជផ្លែឈើ ចិញ្ចឹមមាន់ ចាកៈថ្នាំបង្កា តុបតុបតែងកែលំអរផ្កា ចិញ្ចឹមគោ ចិញ្ចឹមទា ចិញ្ចឹមជ្រូកមេ ចិញ្ចឹមត្រី ចិញ្ចឹមកង្កែប កែច្នែចំណីអាហារ ដំណាំផ្លែឈើ ដំណាំបន្លែចំរុះ បណ្តុះផ្សឹត ដំណាំដំឡូងជ្វា ជីកំប៉ុស ដំណាំឱឡឹក ។ល។ ឯការបណ្តុះបណ្តាលនៅតាមបជ្ឆមណ្ឌលនេះរហូតមកទល់នឹងពេលនេះ មាន១៧ជំនាញហើយ ដូចជា ការជួសជុលម៉ាស៊ីនត្រជាក់ ជួសជុសរថយន្ត ជួសជុលកុំព្យូទ័រ ជួសជុលអគ្គីសនី តបណ្តាញអគ្គីសនី ជួសជុលអេឡិចត្រូនិច អ៊ុតសក់ ជួសជុលទូរស័ព្ទ ជូសជុលម៉ូតូ កាត់ដេរ ជួសជុលម៉ាស៊ីនធុនតូច ជួសជុលទូរទស្សន៍ ជួសជុលវិទ្យុតម្បាញ និង សំអាងការ ។ល។ ការបណ្តុះបណ្តាលតាមសហគ្រាសមានដូចជា សប្បកម្មតម្បាញពីរំពាក់ ជួសជុសកង់ ជាងថតរូប ជាងសង្ហារឹម ជាងកែច្នែដែក និងកញ្ចក់ កាត់សក់បរុស និង ជាងផ្សារជាដើម ។ល។

បន្ទាប់ពីមានការបណ្តុះបណ្តាលមកគេ សង្កេតឃើញប្រជាជនពលរដ្ធមានការកើតឡើងនូវចំណូលចំនួន ៣០ដុល្លា ក្នុង១ខែ មានន័យថា ពេលមិនទាន់ មានការបណ្តុះបណ្តាលេគ រកបាន១០០ដុល្លារក្នុង១ខែ តែក្រោយពីទទួលបាន ការបណ្តុះបណ្តាលមកគេរកបាន៣០ដុល្លាក្នុង១ខែ បន្ថែមទៀត។